မိုင်းပွန်တွင် တိုက်ပွဲဖြစ်ပွားနေသဖြင့် တောင်ကြီး လေးမိုင်ဂိတ်နှင့် လွိုင်လင် ဂိတ်တွင် ကုန်ကားနှင့် ခရီးသွားကား ရာချီပိတ်မိနေ

ဖေဖော်ဝါရီ ၂၃၊ VOR

ရှမ်းပြည်တောင်ပိုင်း လွိုင်လင်မြို့နယ်၊ မိုင်းပွန်မြို့အနီးတွင် တိုက်ပွဲများဖြစ်ပွားနေပြီး စစ်ကောင်စီ က တောင်ကြီးလေးမိုင်ဂိတ်နှင့် လွိုင်လင် အဝင်အထွက်များကို ပိတ်ဆို့ထားသည့်အတွက် ကုန်ကားနှင့် ခရီးသွားကားတွေ ရာ ချီပိတ်မိနေကြောင်း ဒေသခံများထံက သိရသည်။

ဖေဖော်ဝါရီ ၂၁ရက်တွင် မိုင်းပွန်မြို့အနီး လွိုင်လင်ဘက်အထွက် ကျေးရွာများတွင် SSPP တပ်များနှင့် စစ်တပ် လက်အောက်ခံ PNO ပြည်သူ့စစ်များအကြား တိုက်ပွဲဖြစ်ပွားခြင်းဖြစ်သည်။

မိုင်းပွန်မြို့တွင်း တိုက်ပွဲများကြောင့် တောင်ကြီး- ဟိုပုန်း- မိုင်းပွန်-လွိုင်လင်လမ်းမကြီးအား မိုင်းပွန်မြို့နယ်တွင် ယာယီပိတ်ဆို့ထားကြောင်း သိရသည်။

https://www.facebook.com/VORLiveNews/videos/730802668822178