အကြမ်းဖက်စစ်ကောင်စီရဲ့ စစ်ကိုင်းတိုင်းဝန်ကြီးချုပ်နှင့် အရာရှိအကောင်ကြီးများလိုက်ပါလာသည့် ယာဉ်တန်းကို ဖေဖေါ်ဝါရီလ ၂၁ ရက်နေ့က တော်လှန်ရေးတပ်ဖွဲ့များ မိုင်းဆွဲရာ အကောင်ကြီးများ ထိခိုက်သေဆုံးမှုရှိနိုင်ကြောင်း သတင်းများထွက်ပေါ်ခဲ့သည်။ အဆိုပါ တိုက်ခိုက်ခံရသောအဖွဲ့တွင် စစ်ကောင်စီအတွက် သတင်းထုတ်ပြန်နေသော ပြန်ကြားရေးဝန်ကြီးဌာနမှ ဒုခေါင်းဆောင်ဖြစ်သူ ဇော်မင်းထွန်းပါဝင်သည်ဟု သတင်းထွက်ပေါ်သော်လည်း အတည်မပြုနိုင်သောသတင်းအဖြစ်သာ ရှိသေးသည်။ စစ်ကိုင်းမြို့တိုင်းရင်းသားဒီဂရီကောလိပ်မှ ပြန်လာသည့် အဆိုပါယာဉ်တန်းတွင် စစ်ကောင်စီရဲ့စစ်ကိုင်းတိုင်းဝန်ကြီးချုပ်ဦးမြတ်ကျော်၊ နယ်စပ်ရေးရာဝန်ကြီးဌာန ဒုတိယဝန်ကြီး ဗိုလ်ချုပ်ဖြိုးသန့်၊ စစ်ကိုင်းတိုင်းလုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးဝင်းတင်စိုးတို့ ပါဝင်သည်ဟု People Spring က ရေးသားဖော်ပြထားသည်။ အကောင်ကြီးများသာစီးသော မာစီးဒီးကားတစီးကိုလည်း မိုင်းထိမှန်ပျက်စီးသွား၍ လမ်းပေါ်တွင် ထားရစ်ထားသည်ကို သတင်းဓာတ်ပုံများတွင် တွေ့ရသည်။ အခုလို စစ်ကောင်စီယာဉ်တန်း တိုက်ခိုက်ခံရပြီးနောက် မန္တလေး-မုံရွာကားလမ်းရှိ အဆိုပါလမ်းပိုင်းကို အရေးပေါ် ပိတ်ထားသည်ဟု သိရပြီး ကားများလှည့်ပြန်နေရကြောင်း ဒေသတွင်းကားသမားများထံမှ သိရသည်။
More Stories
လားရှိုးမြို့သိမ်းခံလိုက်ရပြီးနောက် စစ်ကောင်စီအကြမ်းဖက်လော်ဘီများက မြန်မာပြည်ဖွားတရုတ်များကို ခြိမ်းခြောက်မှုများ ပြုလုပ်နေ
ရခိုင်ပြည်နယ်တွင်း မြောက်ဦးမြို့ထဲ တိုက်လေယာဉ်ဗုံးကြဲခဲ့လို့ အရပ်သား ၄ ဦးထက်နည်း အသက်ဆုံးရှုံးသွားပါတယ်
နွားထိုးကြီးမှာ တိုက်ပွဲပြင်းထန်