ရေဦးမြို့ အားကစားရုံတွင် စစ်အုပ်စု အစည်း အဝေး လုပ်နေချိန် ဒရုန်း ဗုံးသီးချတိုက်ခိုက်ရာ စစ်ကောင်စီဘက်မှ ၂ ဦး ဒဏ်ရာရ

ဖေဖော်ဝါရီ ၂၂၊ VOR

စစ်ကိုင်းတိုင်း၊ ရေဦးမြို့ပေါ်ရှိ အားကစားရုံတွင် စစ်အုပ်စု အစည်းအဝေးလုပ်နေချိန် ဒရုန်းဖြင့် ဗုံးသီးချတိုက်ခိုက်ရာ စစ်ကောင်စီတပ်ဘက်မှ ၂ ဦး ဒဏ်ရာရရှိသွား ကြောင်း ရွှေဘိုခရိုင်အမှတ် (၁၄) တပ်ရင်း – ရေဦးPDF က ထုတ်ပြန်သည်။

ယနေ့ နံနက်၁၀ နာရီ ၄၅ မိနစ်အချိန်ခန့်တွင် ရေဦးမြို့အားကစားရုံ၌ စစ်ကောင်စီအဖွဲ့ဝင်များ အစည်းအဝေးလုပ်နေသည်ဟု သတင်းရရှိသဖြင့်ရွှေဘိုခရိုင်အမှတ်(၁၄)တပ်ရင်း၊ ရေဦးPDF က Fixed-Wing Drone နဲ့ ဗုံးသီး(၃)လုံးချ တိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါ တိုက်ခိုက်မှုတွင် ဗုံးသီးများကျရောက်ပေါက်ကွဲပြီးနောက် စစ်ကောင်စီအဖွဲ့များ ဖရိုဖရဲထွက်ပြေးကြပြီး အစည်းအဝေးပွဲပျက်သွားကာ စစ်ကောင်စီတပ်သား (၂)ဦး ထိခိုက်ဒဏ်ရာရရှိခဲ့ကြောင်း သိရသည်။