ချင်းပြည်အစိုးရအဖွဲ့ စတင်ဖွဲ့စည်း၊ ရွေးချယ် အတည်ပြုခန့်အပ်ခံရသော ပုဂိုုလ်များက ကတိသစ္စာပြုကျမ်းသစ္စာဆို

ဖေဖော်ဝါရီ ၂၊ VOR

ချင်းပြည် ဖွဲ့စည်းအုပ်ချုပ်ပုံအခြေခံဥပဒေအရ ချင်းပြည်အစိုးရအဖွဲ့ကို စတင်ဖွဲ့စည်းလိုက်ပြီဖြစ်ကြောင်း Chinland Council က ယမန်နေ့က ထုတ်ပြန်ကြေညာသည်။

ချင်းပြည်အစိုးရအဖွဲ့ကို ချင်းပြည်ဖွဲ့စည်းအုပ်ချုပ်ပုံအခြေခံဥပဒေ အခန်း ၉ ပုဒ်မ ၃၂ (က)အရ ဖွဲ့စည်းလိုက်ခြင်းဖြစ်ကြောင်း ယခုချင်းပြည်အစိုးရအဖွဲ့တွင် ဝန်ကြီးချုပ် ၁ ဦး၊ ဝန်ကြီး ၁၄ ဦးနှင့် ရှေ့နေချုပ် ၁ ဦးတို့ပါဝင်သလို တရားသူကြီးချုပ်နှင့် တရားသူကြီး ၂ဦးပါဝင်သည့် တရားလွှတ်တော်ချုပ်ကိုလည်း ဖွဲ့စည်းကာ ချင်းပြည် စာရင်းစစ်ချုပ်ကိုလည်း ခန့်အပ်ထားကြောင်း သိရသည်။

ရွေးချယ် အတည်ပြုခန့်အပ်ခံရသော ချင်းပြည် (Chinland) အစိုးရအဖွဲ့ ၊ ချင်းပြည်(Chinland) တရားလွှတ်တော်ချုပ် နှင့် စာရင်းစစ် ချုပ် ပုဂိုုလ်များက ကတိသစ္စာပြု ကျမ်းသစ္စာဆိုမှုများပြုလုပ်ခဲ့ကြကြောင်း သိရသည်။

ညီလာခံပထမသက်တမ်း ဒုတိယအကြိမ်ကောင်စီအစည်းအဝေးကို Chinland Council က ကောင်စီအဖွဲ့ဝင် ၁၀၀ ဦးနှင့် ဇန်နဝါရီ ၃၀ နဲ့ ၃၁ ရက်တွေက ချင်းလုံမြို့တွင် ကျင်းပပြုလုပ်ခဲ့ပြီးနောက် ဒီအစည်းအဝေးမှ အစိုးရအဖွဲ့ဝင်အမည်စာရင်းများကို အတည်ပြုပြီး လွှတ်တော်အပါအဝင် အစိုးရအဖွဲ့ကို ဖွဲ့စည်းလိုက်သည်ဟု သိရသည်။