မတ် ၁၅၊ VOR
ကချင် လွတ်လပ်ရေး တပ်မတော် KIA ဌာနချုပ် တည်ရှိရာ ကချင်ပြည်နယ်၊ လိုင်ဇာမြို့ အနီးရှိ စစ်ကောင်စီစခန်းများထဲမှ ဘွမ်ရယ်ဘွမ်စခန်းကြီးအား ယနေ့ မတ်လ ၁၅ရက် မွန်းလွဲ ၂ နာရီ အချိန်တွင် KIA နှင့် မဟာမိတ်ပူးပေါင်းတပ်များမှ သိမ်းပိုက်ရရှိလိုက်ပြီဖြစ်ကြောင်း သိရသည်။
အဆိုပါ ဘွမ်ရယ်ဘွမ် စခန်း ကြီးတွင် တပ်မ ၈၈ တပ်မမှူး၊ စစ်ဗျူဟာမှူးကိုယ်တိုင်ထိုင်ကာ ကွပ်ကဲနေသော တပ်စခန်းကြီးဖြစ်ပြီး ၄င်းတို့၏တပ်စခန်းကြီးမကျဆုံးရေးအတွက် လေကြောင်းမှ အကြီးအကျယ် ဗုံးကြဲကာ ကာကွယ်ခဲ့သော်လည်း KIA ပူးပေါင်းတပ်များက သိမ်းပိုက်နိုင်ခဲ့ကြကြောင်း သိရသည်။
၎င်းစခန်းကြီးတွင် KIA ၏တိုက်ခိုက်မှုများကြောင့် အခြားစခန်းများမှ ထွက်ပြေးလာသော စစ်ကောင်စီတပ်သားများ ရာနှင့်ချီပိတ်မိနေကြောင်း သိရသည်။
မတ်လ ၇ရက်မှစ၍ KIA ဌာနချုပ် လိုင်ဇာအနီးရှိ စစ်ကောင်စီ တပ်များ နှင့် ကချင်ဒေသရှိ စစ်ကောင်စီတပ် အများ အပြားကို တစ်ပြိုင်တည်း ထိုးစစ်ဆင်တိုက်ခိုက်ခဲ့ရာ တစ်ပတ်အတွင်း စခန်းပေါင်း ၂၀ကျော်ကို သိမ်းပိုက်နိုင်ခဲ့သည်။
More Stories
လားရှိုးမြို့သိမ်းခံလိုက်ရပြီးနောက် စစ်ကောင်စီအကြမ်းဖက်လော်ဘီများက မြန်မာပြည်ဖွားတရုတ်များကို ခြိမ်းခြောက်မှုများ ပြုလုပ်နေ
ရခိုင်ပြည်နယ်တွင်း မြောက်ဦးမြို့ထဲ တိုက်လေယာဉ်ဗုံးကြဲခဲ့လို့ အရပ်သား ၄ ဦးထက်နည်း အသက်ဆုံးရှုံးသွားပါတယ်
နွားထိုးကြီးမှာ တိုက်ပွဲပြင်းထန်